حسرته دیرکم حسرته دایاق
هر گوندوزوم، هر گئجه م بئله گئچیر.
آرزی اوزاق، ایستک اوزاق، شن اوزاق
هر گوندوزوم ،هر گئجه م بئله گئچیر.
زامان دفترینده ازلدن قولام
آز قالیر جیرماقلا دریمی یولام
سالام دئییر دیلیم ائشیدمیر سالام
هر گوندوزوم، هر گئجه م بئله گئچیر.
گوزوم کوردو،باشیم آلچاق،بخت قارا
منیم کیمی بدبخت هارا بخت هارا؟
کونلوم تیتریر،قلبیم یالواریر دارا
هر گوندوزوم، هر گئجه م بئله گئچیر.
گونوم هئچ چیخمامیش سحردن آغلیر
محبت گزیره م،خسته جان آغلیر
غم کوکلانیب سازیم میضراب قان آغلیر
هر گوندوزوم، هر گئجه م بئله گئچیر.
دوست دولاندیم، غمیله همدم اولدوم
غم قالادیم، نمیله همدم اولدوم
منه باخ گور کیمیله همدم اولدوم
هر گوندوزوم، هر گئجه م بئله گئچیر.
ناداندی ناشی دی هر یئتن کسیم
اؤز الیمله تیکیلیب اوز قفسیم
درد الیندن باتیبدی یورقون سسیم
هر گوندوزوم هر گئجه م بئله گئچیر.
نظرات شما عزیزان:
تبادل
لینک هوشمند
